Buyuk Britaniyada saylovoldi poygasi ayni avjiga chiqqan vaqtda Go Ape ekstremal sarguzashtlar parkiga tashrif buyurgan liberal-demokratlar yetakchisi Nik Klegg Rossiya prezidenti Vladimir Putinga “britancha javob” bo‘ldi, deb yozadi The Guardian nashri.
Maqola muallifining qayd etishicha, Rossiya prezidenti bilan qanday ish olib borish kerakligi joriy saylov kampaniyasining eng qaynoq masalalaridan biri, chunki Putin 2015-yilda “britaniyaliklarning bosh salbiy qahramoni”ga aylandi va mamlakatning keyingi bosh vaziri, xohlaydimi-yo‘qmi, Putin bilan ishlashga majbur.
“Siz davlat rahbari bo‘la olaman, deb o‘ylayapsizmi? Avvaliga, Putin bilan hisob-kitob qilish uchun yetarli darajada zo‘r ekanligingizni ko‘rsatib qo‘ying”, - deb yozadi maqola muallifi.
Muallifning so‘zlariga ko‘ra, joriy chorshanbaga qadar saylovoldi poygasi ishtirokchilari ushbu vazifani uddalay olishmayotgan edi, biroq endi diqqat markazida “yangi qahramon” paydo bo‘ldi. “Agar sizga dalillar kerak bo‘lsa, u holda Go Ape’ga tashrif buyurgan Nik Kleggning suratlarini tomosha qiling”, - deb hazil qilib yozadi maqola muallifi.
Ma’lumot uchun, 2011-yili Putin Amerikaning ov, baliqchilik va sayohat haqidagi Outdoor Life jurnaliga intervyu berib, faol turmush tarzi olib borishi va atrof-muhit muhofazasi bilan shug‘ullanishini aytib o‘tgandi.
Izoh (0)