Qirg‘iziston Respublikasi Prezidenti Almazbek Atambayev Islom Karimovni O‘zbekiston Respublikasi Prezidenti lavozimiga qayta saylangani bilan tabrikladi, deb yozadi “Knews.kg”.
“Ishonchim komilki, Qirg‘iziston va O‘zbekiston respublikalari o‘rtasidagi do‘stlik, totuvlik va sherikchilik tamoyillariga asoslangan ikki tomonlama munosabatlar bundan keyin ham mamlakatlarimiz va qardosh xalqlarimiz ravnaqi uchun mustahkamlanishda davom etadi”, — deyiladi Atambayev tabrigida.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Izoh (0)