Дунёнинг одам яшамайдиган шаҳарлари билан танишинг (фото)

Баъзан қурилиб бўлган шаҳарлар кўплаб вазиятлар таъсири остида аҳолисиз қолиб кетади. Қуйида бундай шаҳарларнинг тўрттаси билан танишишингиз мумкин.

Канбаши

Хитой шимолидаги Ордос шаҳар округида 300 минг аҳолига мўлжалланган Канбаши шаҳри бор. Қурилиш авж олган даврда барпо этилган мегаполис кўчмас мулк учун сармоя бўлиб қолди холос.

Сесеньи шаҳри ташқариси

Испаниянинг Мадрид ва Толедо шаҳарлари ўртасида жойлашган Сесеньи шаҳри ташқарисида кўчмас мулкка бўлган кучли талаб чоғида миллиардер Франсиско 13500 хонадондан иборат турар жой мажмуасини қурди. Бироқ 2008 йилда ҳукумат ичимлик суви ва биноларга аҳолини жойлаштириш учун рухсатнома йўқлиги туфайли мажмуа хонадонларини сотиш жараёнини тўхтатди.

Кижондон

Шимолий Кореянинг Қуролсизлантирилган ҳудуд яқинидаги Кижондон шаҳри кўпинча «пропаганда қишлоғи» деб аталади. У ичида хоналари бўлмаган, бироқ электр токи ўтган қалбаки «уй»лардан иборат шаҳарчадир.

Киламба

Хитой халқаро инвестициявий корпорацияси Ангола пойтахти Луандадан 30 км масофада 500 минг аҳоли яшаши учун мўлжалланган, 750 та саккиз қаватли уйлардан иборат шаҳар — Киламбани қурди.  Бироқ Ангола фуқароларининг кўпчилиги ҳаттоки ипотека ёрдамида ҳам у ердан уй сотиб ололмайди, шу туфайли, ҳозиргача бор-йўғи  220 та хонадон сотилган.