Россия Тергов қўмитасининг Бош тергов бошқармаси Москвадаги «Внуково» аэропортида Falcon енгил двигателли самолётининг ҳалокати билан боғлиқ иш бўйича дастлабки терговни якунлади, дея хабар бермоқда «Ведомости».
Қўмита вакили сўзларига кўра, айни пайтда олти нафар айбланувчиларнинг барчаси ва уларнинг ҳимоячилари жиноий иш материаллари билан танишмоқда, шундан сўнг у айблов фикрини тасдиқлаш ва судга юбориш учун прокуратурага йўналтирилади.
Россия Жиноят кодексининг ҳаво транспортини хавфсизлик қоидаларига риоя қилмаган ҳолда бошқариб, икки ёки ундан ортиқ шахснинг ўлимига сабаб бўлиш ҳақидаги моддаси бўйича аэропортнинг олти ходимига айблов эълон қилинган.
Эслатиб ўтамиз, 21 октябрга ўтар кечаси Total президенти Кристоф де Маржери ва уч экипаж аъзоси ўрин олган енгил двигателли самолёт Внуково аэропортида қор тозаловчи машина билан тўқнашиб кетиши оқибатида самолётдаги барча кишилар ҳалок бўлгани хабар берилган эди.
Изоҳ (0)