Яман президенти Абду Раббо Мансур Ҳодий бошқа назорат-ўтказиш пункти (НЎП)дан фойдаланиб, иккинчи уринишда Уммонга келди, дея хабар бермоқда Sputnik агентлиги хавфсизлик органларидаги манбасига таяниб.
Аввалроқ Ҳодий Уммон ҳукумати уни мамлакатга киритишдан бош тортгач, Яманнинг Сиун шаҳрига қайтиб кетган эди. Ҳодий «Шаҳн» НЎПдан ўта олмагач, иккинчи уринишда «Сирфейт» пунктига мурожаат қилган.
Эслатиб ўтамиз, 25 март куни Яман президенти Абду Раббо Мансур Ҳодий Адан шаҳридаги бошпанасидан номаълум йўналишга қараб қочган, бунга шаҳарга хусийлар яқинлашаётгани сабаб бўлган эди.
26 март, пайшанбага ўтар кечаси Саудия Арабистони шиа исёнчиларига қарши операция бошланганини эълон қилди, унда яна тўққиз давлат қатнашмоқда. Ар-Риёд хусийларга қарши 100 та қирувчи самолёт ва 150 мингта аскар жўнатди.
Изоҳ (0)