Россия президенти матбуот котиби Дмитрий Песков Чеченистон парламенти раҳбари Дукуваха Абдураҳмоновнинг «Мексика партизанлари»га энг янги қуролларни етказиб беришни бошлаш ҳақидаги таҳдидларини Россия қонунчилигига зид деб атади. Бу ҳақда «Новая газета» хабар берди.
«Бундай баёнотлар Москва билан келишилган ҳолда берилган эмас. РФ субъектлари чет элга махсус мулкни етказиб бера олмайди ва сотолмайди ҳам. Бу амалдаги қонунчилигимиз бўйича мумкин эмас», — деди Песков.
Чеченистон парламенти спикери Абдураҳмонов 24 март куни конгрессменларнинг АҚШ президентига йўналтирилган Киевга қурол-яроғ етказиб бериш ҳақидаги талабини назарда тутиб, ўз ҳамкасбларини «ўйлаб кўриш»га чақирди ва акс ҳолда шунга яраша жавоб қилишини айтиб таҳдид қилди.
Изоҳ (0)