Rossiya Tergov qo‘mitasining Bosh tergov boshqarmasi Moskvadagi “Vnukovo” aeroportida Falcon yengil dvigatelli samolyotining halokati bilan bog‘liq ish bo‘yicha dastlabki tergovni yakunladi, deya xabar bermoqda “Vedomosti”.
Qo‘mita vakili so‘zlariga ko‘ra, ayni paytda olti nafar ayblanuvchilarning barchasi va ularning himoyachilari jinoiy ish materiallari bilan tanishmoqda, shundan so‘ng u ayblov fikrini tasdiqlash va sudga yuborish uchun prokuraturaga yo‘naltiriladi.
Rossiya Jinoyat kodeksining havo transportini xavfsizlik qoidalariga rioya qilmagan holda boshqarib, ikki yoki undan ortiq shaxsning o‘limiga sabab bo‘lish haqidagi moddasi bo‘yicha aeroportning olti xodimiga ayblov e’lon qilingan.
Eslatib o‘tamiz, 21-oktabrga o‘tar kechasi Total prezidenti Kristof de Marjeri va uch ekipaj a’zosi o‘rin olgan yengil dvigatelli samolyot Vnukovo aeroportida qor tozalovchi mashina bilan to‘qnashib ketishi oqibatida samolyotdagi barcha kishilar halok bo‘lgani xabar berilgan edi.
Izoh (0)