Россиялик миллиардерлар қандай самолётларда парвоз қилади (фотогалерея)

Дунёнинг энг бой инсонлари рўйхатидан ўрин олган россиялик миллиардерлар иш ва бошқа масалалар юзасидан саёҳатга чиққанда турли учиш воситаларидан фойдаланади. Forbes журнали уларнинг шахсий учоқларидан иборат фотогалереяни тақдим этди.

Роман Абрамович: Boeing 767-300ER

Абрамовичнинг самолёти акс этган фотосуратлар дунёнинг турли чеккаларида, Ницца, Сен Мартен, Зальцбург, Тель-Авивда туширилган. Аруба оролида рўйхатдан ўтказилган самолёт 11 минг километр масофага тўхтовсиз уча олади.

Михаил Фридман: Ми-171

«Алфа-групп» раҳбари ўзига хос ҳаракатланиш воситасини танлаган. Нархи 10 миллион доллар турадиган вертолёт 600−800 километрга тўхтовсиз уча олади.

Владимир Евтушенков: Boeing 737-7FY

«Система» раҳбари Boeing 737-7FY лайнерининг VIP-версиясидан фойдаланиб келади.

Михаил Прохоров: Airbus А319

«Oнэксим» гуруҳи раҳбарига хизмат кўрсатадиган Airbus самолёти Global Jet Luxembourg компаниясида рўйхатга олинган ва 88,6 миллион доллар туради.

Дмитрий Риболовлев: Airbus А319-133

Риболовлев ушбу самолётни бир пайтлар ўзига тегишли бўлган «Уралкалий»дан сотиб олган.

Рустам Тарико: Boeing 737-7BC

«Русский стандарт» банки раҳбарининг Бермуд оролларида рўйхатдан ўтказилган самолёти ўзига хос тарзда безатилган.

Геннадий Тимченко: Gulfstream G650

«Новатэк» директорлар кенгаши аъзосига тегишли бўлган самолёт тўхтовсиз 12 964 километргача уча олади.

Олег Тиньков: Dassault Falcon 900LX

«Тинькофф кредитние системи» банки раҳбарининг самолёти эса 8890 километрга тўхтовсиз парвоз қила олади.

Алишер Усмонов: Airbus А340-300

13700 километрга тўхтовсиз учадиган Боурҳан номли самолётнинг рўйхатдан ўтказилган коди M-IABU бўлиб, «Мен, Алишер Бурхонович Усмонов» (I, Alisher Burkhanovich Usmanov) кўринишида таърифланади.

Сулаймон Каримов : Boeing 737-800

Каримов шу пайтгачa бир нечта самолётлардан фойдаланган, ҳозирда эса унга Boeing 737-800 хизмат кўрсатмоқда.