Аввал ишлатилган, айниқса, ўғирланган iPhone’лар янги хўжайинларининг фотосуратларини iCloud’га ёки ижтимоий тармоқларга чиқариб юбориб, уларни «сотиб қўйиши» билан боғлиқ вазиятлар кўп кузатилган, деб ёзади «Mail.ru».
Шундай ҳодиса навбатдаги марта содир бўлди. 33 ёшли австралиялик аёл Николь Шелтоннинг сумкаси ва унинг ичидаги барча нарсаларни, жумладан телефонини ҳам ўғирлаб кетишганидан сўнг, у тақдирга тан бериб, янги iPhone сотиб олди.
Бироқ бир куни ўзининг Facebook’даги саҳифасида нотаниш эркакнинг сурати пайдо бўлди. Аёл гап нимадалигини тушуниб, фойдаланувчилардан ушбу фотосуратни репост қилишни сўради. У суратга «ширингина» изоҳ ёзиб қўйишни ҳам унутмади. Бир неча соат ичида репостлар сони 20 мингдан ҳам ошиб кетди.
Кутилмаганда фотосуратдаги йигит топилиб қолди. У Николнинг э-мейлига хат ёзиб, узр сўради ва iPhone’ни бошқа одамдан сотиб олганини, девайс ўғирланганини билмаганини айтди. Смартфон полиция орқали қонуний эгасига топширилди.
Изоҳ (0)