Twitter’даги хабар Minecraft яратувчисига 2,5 млрд доллар келтирди

Minecraft яратувчиси Маркус Перссон Forbes журналига берган интервьюсида нима учун 2014 йилда Microsoft’га Mojang компанияси ва Minecraft брендини 2,5 миллиард долларга сотишга рози бўлгани ҳақида гапириб берди.

Ўтган йилнинг 16 июнида у ўз Twitter’ида ҳазиломуз хабар қолдирган, унда Mojang’дан қутулмоқчи эканлигини ёзган эди. Бунга ўйин компанияларининг зудлик билан эътибор қаратгани муҳим омиллардан бири бўлган.

https://twitter.com/notch/status/478766808841732096

Mojang ижро этувчи директори Карл Манне сўзларига кўра, у ўша хабарни кўрганидан 30 сония ўтар-ўтмас Microsoft’дан қўнғироқ бўлган.

Перссон Mojang’ни янада қимматроқ сотиш мумкин эди, деб ҳисоблайди, бироқ бунинг учун вақт талаб этилар эди, Перссон эса компаниядан тезроқ қутулишни истарди.

Mojang’ни харид қилишга Microsoft’дан ташқари Activision Blizzard, Electronic Arts ва бошқа компаниялар ҳам қизиқиш билдирди. Швециялик ишлаб чиқувчилар эса Microsoft’ни танлади.