Yota Devices компанияси MWC 2015 кўргазмаси доирасида YotaPhone 2’нинг янги версиясини тақдим этди, дея хабар бермоқда «Mail.ru».
Аввалроқ YotaPhone 2’нинг қора версияси намойиш этилган эди. Оқ смартфон техник жиҳатдан фарқланмайди, бироқ баъзи бир ўзига хосликларга эга бўлди.
Смартфон иккита экранга эга эканлиги билан бошқалардан ажралиб туради. Асосий дисплейи 1920×1080 пикселли 5 дюймли рангли экран бўлса, иккинчиси «электрон сиёҳ» технологияси асосидаги 960×540 пикселли 4,7 дюймли оқ-қора орқа экрандир.
Оқ-қора экранда телефонни блокдан чиқармасдан туриб, асосий экрандаги маълумотларни кўриш мумкин, бу қурилмага бир марта олган қувватни 50 соатгача етказиш имконини беради.
YotaPhone 2 тўрт ядроли Qualcomm Snapdragon 800 процессори, 2 Гб тезкор ва 32 Гб ички хотира, 8 мегапикселли асосий ва 2 мегапикселли олд камера, шунингдек 2550 мА/с сиғимли аккумуляторга эга бўлди.
Изоҳ (0)