Minecraft yaratuvchisi Markus Persson Forbes jurnaliga bergan intervyusida nima uchun 2014-yilda Microsoft’ga Mojang kompaniyasi va Minecraft brendini 2,5 milliard dollarga sotishga rozi bo‘lgani haqida gapirib berdi.
O‘tgan yilning 16-iyunida u o‘z Twitter’ida hazilomuz xabar qoldirgan, unda Mojang’dan qutulmoqchi ekanligini yozgan edi. Bunga o‘yin kompaniyalarining zudlik bilan e’tibor qaratgani muhim omillardan biri bo‘lgan.
Anyone want to buy my share of Mojang so I can move on with my life? Getting hate for trying to do the right thing is not my gig.
— notch (@notch) June 17, 2014
Mojang ijro etuvchi direktori Karl Manne so‘zlariga ko‘ra, u o‘sha xabarni ko‘rganidan 30 soniya o‘tar-o‘tmas Microsoft’dan qo‘ng‘iroq bo‘lgan.
Persson Mojang’ni yanada qimmatroq sotish mumkin edi, deb hisoblaydi, biroq buning uchun vaqt talab etilar edi, Persson esa kompaniyadan tezroq qutulishni istardi.
Mojang’ni xarid qilishga Microsoft’dan tashqari Activision Blizzard, Electronic Arts va boshqa kompaniyalar ham qiziqish bildirdi. Shvetsiyalik ishlab chiquvchilar esa Microsoft’ni tanladi.
Izoh (0)