Ўзбекистонда «Кексаларни эъзозлаш йили» эълон қилиниши муносабати билан UzMobile мобил алоқа миллий оператори 2015 йилнинг 1 мартидан янги «Нуроний» ижтомоий тариф режасини ишга туширди, деб хабар бермоқда UzReport.
Янги тариф режасида тармоқ ичидаги суҳбатлар учун бир календар ой ҳисобидан 180 бепул дақиқа тақдим этилади. Тармоқ ичидаги бошқа суҳбатлар учун дақиқасига 1 цент, Ўзбекистон бўйича бошқа қўнғироқлар учун бир дақиқалик тўлов 1,5 центни ташкил қилади.
Ушбу тариф режасида ойлик 30 Мб бепул интернет трафики ҳам тақдим этилади. Бундан ташқари ишлатилган интернетнинг 1 Мегабайти нархи 5 центни ташкил этади. Абонент тўлови кунига 1,5 центни ёки ойига 45 центни ташкил қилади.
Тариф режасига уланиш мижознинг нафақада эканини ва шахсини тасдиқловчи ҳужжатлар билан компания офисларида 2015 йил 31 декабргача амалга оширилади. Бир мижозга фақатгина битта абонент рақами берилади.
Изоҳ (0)