O‘zbekistonda “Keksalarni e’zozlash yili” e’lon qilinishi munosabati bilan UzMobile mobil aloqa milliy operatori 2015-yilning 1-martidan yangi “Nuroniy” ijtomoiy tarif rejasini ishga tushirdi, deb xabar bermoqda UzReport.

Yangi tarif rejasida tarmoq ichidagi suhbatlar uchun bir kalendar oy hisobidan 180 bepul daqiqa taqdim etiladi. Tarmoq ichidagi boshqa suhbatlar uchun daqiqasiga 1sent, O‘zbekiston bo‘yicha boshqa qo‘ng‘iroqlar uchun bir daqiqalik to‘lov 1,5 sentni tashkil qiladi.

Ushbu tarif rejasida oylik 30 Mb bepul internet trafiki ham taqdim etiladi. Bundan tashqari ishlatilgan internetning 1 Megabayti narxi 5 sentni tashkil etadi. Abonent to‘lovi kuniga 1,5 sentni yoki oyiga 45 sentni tashkil qiladi.

Tarif rejasiga ulanish mijozning nafaqada ekanini va shaxsini tasdiqlovchi hujjatlar bilan kompaniya ofislarida 2015-yil 31-dekabrgacha amalga oshiriladi. Bir mijozga faqatgina bitta abonent raqami beriladi.