Телекоммуникация ускуналарини ишлаб чиқарувчи дунёдаги энг йирик компания Ericsson Америка судига Apple компанияси устидан еттита янги даъво берди, шунингдек Халқаро савдо бўйича АҚШ комиссиясига Apple маҳсулотларини Америка бозорида сотишни тақиқлашни талаб қилиб, сўров берди. Бу ҳақда «CNews.ru» хабар берди.
Швециянинг Ericsson компанияси Apple’ни ўзининг мобил қурилмаларда симсиз алоқа технологиялари, шунингдек мобил қурилма экранида маълумотларнинг акс этиши, энергия истеъмолини камайтириш ва мобил операцион тизимининг ишлаш тамойили кабиларга асосланган жами 41 та патентини бузишда айблади.
Изоҳ (0)