Москвада Борис Немцов хотирасига мотам марши бўлиб ўтди

Москвада ўлдириб кетилган сиёсатчи Борис Немцов хотирасига бағишланган мотам намойиши якунланди, дея хабар бермоқда «Эхо Москвы».

Москва полицияси расмий маълумотларига кўра, унда 10 мингдан ортиқ киши қатнашди. Бошқа манбаларга кўра эса намойиш иштирокчилари сони 50 мингдан ошган.

Мотам маршида қатнашган сиёсатчи Глеб Павловский сўзларига кўра, акция иштирокчилари ўзига ҳурматни талаб қилган. Павловский , шунингдек мухолифат кайфияти ўсиб боришини таъкидлади.