АҚШнинг Калифорния ва Сан-Диего университети олимлари бир қатор компаниялар билан ҳамкорликда кундалик тақиш учун контакт линзалар ишлаб чиқди, улар оддий кўз қисиш орқали телескопик кўриш режимига ўтиши мумкин. Бу ҳақда «3dnews.ru» хабар бермоқда.
Телескопли контакт линза алюмий кўзгулар ва поляризация плёнкасидан иборат тизим асосидаги қаттиқ линзадир. Тузилма рефлектив телескопга ўхшаш бўлиб, унинг тубидаги кўзгу тасвирни катталаштиради ва тескари акс ёрдамида уни кўзгудаги марказий туйнук орқали кўзга йириклаштириб туширади. Телескоп режимига ўтиш ўнг кўзни юмиб очиш орқали амалга оширилади, оддий режимга эса чап кўзни қисиш орқали қайтилади.
Изоҳ (0)