Финляндиялик олимлар мобил қурилмаларни зарядлаш учун органик «дарахт» яратди

Финляндия Технологик тадқиқотлар маркази олимлари янги ускунани намойиш этди, унинг ёрдамида мобил қурилмаларни қувватлаш мумкин, деб хабар бермоқда ТАСС.

Ушбу ускуна тувакка экилган кичик дарахт шаклида бўлиб, унинг барглари органик материалдан ясалган ингичка ва эгилувчан қуёш панелидан иборат.

У 3D-принтердан фойдаланган ҳолда яратилди. «Дарахт»нинг барглари экологик хавфсиз йўл билан қуёш, шамол ва ҳарорат ўзгаришидан олинган энергияни тўплай олади.

Финляндиялик олимлар ихтироси турли мобил қурилмалар, чунончи, телефон ва лампалар учун зарядловчи восита ролини ўташи ва бир вақтнинг ўзида уй безаги бўлиб хизмат қилиши мумкин.