2014 йилда москваликлар илк марта болаларига Севастополь, Жаз, Византия ва Сила исмларини қўйди

2014 йилда Москвада янги туғилган олти нафар чақалоққа ноёб исмлар қўйилди: Севастополь, Жаз, Византия, Сила (Куч), Рассвет (Саҳар) ва Луна (Ой). Бу ҳақда Москва ФҲДЁ бошқармаси раҳбари Ирина Муравьёва маълум қилди, деб хабар бермоқда ТАСС.

Унинг сўзларига кўра, Рассвет ва Луна исмлари олдин ҳам учраган, бироқ Севастополь, Жаз, Византия ва Сила исмлари биринчи марта рўйхатдан ўтказилган.

Муравьёванинг қайд этишича, 2014 йилда Москвада энг кўп қўйилган исмлар ўғил болаларда Александр, Максим, Михаил, Артём, Иван, Даниил, Дмитрий, Кирилл, Андрей ва Егорь, қиз болаларда эса София, Мария, Анастасия, Анна, Елизавета, Виктория, Дарья, Полина, Варвара, Алиса кабилар бўлган.