2014-yilda moskvaliklar ilk marta bolalariga Sevastopol, Jaz, Vizantiya va Sila ismlarini qo‘ydi

2014-yilda Moskvada yangi tug‘ilgan olti nafar chaqaloqqa noyob ismlar qo‘yildi: Sevastopol, Jaz, Vizantiya, Sila (Kuch), Rassvet (Sahar) va Luna (Oy). Bu haqda Moskva FHDYO boshqarmasi rahbari Irina Muravyova ma’lum qildi, deb xabar bermoqda “TASS”.

Uning so‘zlariga ko‘ra, Rassvet va Luna ismlari oldin ham uchragan, biroq Sevastopol, Jaz, Vizantiya va Sila ismlari birinchi marta ro‘yxatdan o‘tkazilgan.

Muravyovaning qayd etishicha, 2014-yilda Moskvada eng ko‘p qo‘yilgan ismlar o‘g‘il bolalarda Aleksandr, Maksim, Mixail, Artyom, Ivan, Daniil, Dmitriy, Kirill, Andrey va Yegor, qiz bolalarda esa Sofiya, Mariya, Anastasiya, Anna, Yelizaveta, Viktoriya, Darya, Polina, Varvara, Alisa kabilar bo‘lgan.