АҚШ савдо ваколатхонаси яна Россияни интеллектуал мулк ҳуқуқи фаол равишда бузиладиган мамлакатлар рўйхатига киритди, дея хабар бермоқда «Ведомости». «301-рўйхат» деб номланувчи ушбу ҳужжатда Россия Хитой, Ҳиндистон, Индонезия, Таиланд, Вьетнам ва Чили билан бирга биринчи поғоналарни эгаллади.
Ҳужжатда таъкидланишича, Россия Жаҳон савдо ташкилотига аъзо бўлиб, муаллифлар ҳуқуқларини ҳимоя қилиш мажбуриятини олган бўлса-да, бу мамлакатда онлайн-қароқчилик жиддий муаммолигича қолмоқда.
АҚШ савдо ваколатхонаси ўз рўйхатига «ВКонтакте» ва «Одноклассники» ижтимоий тармоқларини ҳам киритди. Таъкидланишича, уларда лицензияга эга бўлмаган қўшиқ, фильм ва сериалларни тарқатишга рухсат бериб қўйилган.
Изоҳ (0)