Меркель хавфсизлик бўйича Мюнхен конференциясида сўзга чиқиб, Москвада Россия президенти билан учрашуви ҳақида илк изоҳларини бериб ўтди, деб ёзади «РБК».
«Франция президенти Франсуа Олланд билан бирга Москвада ўтказган музокараларимиз бизга муваффақият олиб келиш-олиб келмаслигини билмайман», — деди канцлер. Бироқ у «бунга уриниб кўришлари керак бўлгани»ни таъкидлади.
Меркель ўз нутқида Ғарб Европа хавфсизлигини «Россияга қарши эмас, Россия билан биргаликда» қуришга интилаётганини қайд этди, бироқ Россия халқаро ҳуқуқнинг асосий тамойилларини ҳурмат қилиши керак.
Канцлер Украинадаги инқироз ҳарбий ечимга эга эмаслигини, низодаги томонлар Минск келишувларини амалга ошириши кераклигини айтди. У, шунингдек, Украинага қўшимча қурол-яроғ етказиб бериш орқали низоларга берҳам бериш мумкин деб ўйламаслигини таъкидлади.
Изоҳ (0)