Миллий кутубхона фонди «Заҳириддин Муҳаммад Бобур энциклопедияси» китоби билан бойиди, дея хабар бермоқда муассаса матбуот хизмати.
Ушбу китоб 2014 йилда «Шарқ» нашриёт-матбаа акциядорлик компанияси томонидан чиқарилган. 744 саҳифали китоб филология фанлари доктори, Ўзбекистон Фанлар академияси академики, бобуршунос Азиз Қаюмов раҳбарлигида ўзбекистонлик ва хорижлик олимларни жалб этган ҳолда бир гуруҳ бобуршунослар томонидан ёзилган.
Китобда Заҳириддин Муҳаммад Бобур асарларида тилга олинган сўзлар, иборалар, воқеалар, шахслар, жой номларига таъриф берилган.
Изоҳ (0)