Қозоғистоннинг Акмола вилоятида яшовчи, уйидан Ўзбекистон фуқароси билан бирга қочиб кетган ўқувчи қиз Жанубий Қозоғистон вилоятида мамлакатдан чиқиб кетишга уриниш вақтида қўлга олинди. Бу ҳақда Акмола вилояти ИИБга таяниб, «Новости-Казахстан» агентлиги хабар берди.
Муассаса маълумотларига кўра, 27 январь куни Отбосар тумани ИИТБга бир аёл мурожаат қилиб, 10-синфда ўқийдиган 16 ёшли қизи йўқолиб қолганини маълум қилган. Қидирув натижасида қизнинг 1983 йилда туғилган Ўзбекистон фуқароси билан Жанубий Қозоғистон вилоятига жўнаб кетгани аниқланган. Жуфтлик қўшни давлат билан чегарадош туманда қўлга олинди.
Аниқланишича, ўқувчи қиз Қозоғистондаги ўзбекистонлик эркак билан ижтимоий тармоқ орқали танишган ва у билан Ўзбекистонга жўнаб кетмоқчи бўлган. Айни пайтда қиз Чимкентдаги адаптация марказига жойлаштирилди.
Изоҳ (0)