Дунё меҳмонхоналаридаги Wi-Fi сифатини баҳолаш бўйича сервис — Hotel Wi-Fi Test меҳмонхоналарда Wi-Fi сифати ва бепул Wi-Fi имкониятидан келиб чиқиб, шаҳарлар, мамлакатлар ва минтақалар рейтингини тузди. Бу ҳақда «Podrobno.uz» хабар берди.
Мамлакатлар бўйича рейтингда биринчи ўринни Жанубий Корея эгаллади, у ердаги меҳмонхоналарнинг 92 фоизида сифатли Wi-Fi тақдим этилади. Юқори бешликка Япония (84,9%), Украина (82,1%), Швейцария (79,8%) ва Руминия (78%) ҳам кирди.
Дунёнинг энг йирик шаҳарлари орасида меҳмонхоналаридаги Wi-Fi сифати бўйича Стокгольм, Будапешт, Токио, Дублин ва Монреаль етакчилик қилди. Москва ушбу рўйхатда еттинчи ўринни эгаллади.
Шунингдек, учта минтақа — Европа, Осиё ва АҚШ меҳмонхоналаридаги Wi-Fi сифати баҳоланди. Натижада энг сифатли Wi-Fi’ни Осиё меҳмонхоналари тақдим этиши аниқланди: у ердаги меҳмонхоналарнинг 85 фоизида сифатли Wi-Fi тарқатилади. Европа ва АҚШдаги кўрсаткичлар тегишли равишда 46 ва 35 фоизни ташкил этди.
Изоҳ (0)