Тошкентда «Ўзбекнефтгаз» миллий холдинг компанияси биноси қаршисидаги чорраҳада Matiz ва Spark русумли автомобиллар тўқнашиб кетди, дея хабар бермоқда Facebook’даги «Водители Ташкента» гуруҳи аъзолари.
Илова қилинган суратларда Spark’нинг олд қисми, Matiz’нинг эса ёнбош қисми қаттиқ шикастланганини кўриш мумкин.
Постга билдирилган изоҳларда ушбу чорраҳадаги светофор бир неча кундан бери ишламаётгани қайд этилган. Кўпчилик йўл-транспорт ҳодисаси содир бўлишида ишламаётган светофорни айбдор қилиб кўрсатган. Баъзилар эса светофор ишламаётган вақтда йўл белгиларига риоя қилиш зарурлигини, бу вазиятда ҳайдовчиларнинг ҳам айби борлигини таъкидлаган.
Воқеа гувоҳларидан бири ёзишича, ушбу ЙТҲдан кейин дарҳол светофор ишлаб кетган.
Изоҳ (0)