Бухоро вилоятида муқаддам уч марта қонунни бузгани учун тегишли жазо олган аёл кексаликда ҳам қилмишларидан тўғри хулоса чиқармади, деб ёзади «На посту» газетаси.
Бир куни у неварасига кийим сотиб олиш мақсадида Ғиждувон бозорига йўл олди. Ҳар сафар харидор аёлларнинг пул солинган сумкаларини кўрганда, аввалги одатлари эсига тушди, бироқ неварасининг олдида ножўя ҳаракат қилолмади. Тушлик қилгани киришганда аёл барибир чидай олмади. Неварасини шу ерда қолдириб, ўзи бозорга кириб кетди.
Унинг эътиборини бир харидор аёлнинг катта сумкаси тортди. Ён-атрофга қараб олиб, сумкага қўлини тиқди ва у ердан минглаб пулларни топди. Бироқ уни харидор аёлнинг қизи кўриб қолди ва онасини бундан хабардор қилди. Жабрланувчи эса «Ўғрини ушланг!» дея кекса аёл сари юзланди. Кимдир ҳодиса ҳақида профилактика инспекторига хабар қилди ва у тезда воқеа жойига етиб келди. Натижада улуғ ёшда ўғриликка қўл урган аёл қўлга олинди.
Изоҳ (0)