Ўзбекистон Республикаси Меҳнат ва аҳолини ижтимоий муҳофаза қилиш вазирлиги пенсия ёши ўзгариши тўғрисидаги хабарларни рад этди. Тегишли хабар вазирлик сайтига жойлаштирилган.
«Охирги пайтларда фуқаролар томонидан Ўзбекистон Республикасида пенсия ёши ўзгариши мумкинлиги тўғрисида мурожаатлар келиб тушмоқда. Шу муносабат билан Меҳнат ва аҳолини ижтимоий муҳофаза қилиш вазирлиги хабар қилади:
Ҳозирда ‘Фуқароларнинг давлат пенсия таъминоти тўғрисидаги’ Ўзбекистон Республикаси қонунининг пенсия ёши белгиланган қисмига қандайдир ўзгартиш киритиш масаласи кўриб чиқилмаяпти. Бундай тахминлар ҳақиқатга тўғри келмайди», − дейилади хабарда.
Изоҳ (0)