АҚШ президенти Барак Обаманинг YouTube’даги интервьюси КХДРда кескин танқидга учради, дея хабар бермоқда ТАСС.
Унда Обама америкаликларга Шимолий Корея режими қулашини ваъда қилган эди. «Вақт ўтиши билан сиз ушбу режим ағдарилишини кўрасиз», — деди Обама ва бунга урушсиз йўл билан эришилишини қўшимча қилди.
Бундан ташқари, у КХДРни ядровий ва ҳарбий салоҳиятини фаол ошириб бораётган «энг изоляцияланган, санкцияларга энг кўп учраган ва дунёдан ажралиб қолган мамлакат» деб атади.
КХДР ташқи ишлар вазири вакили таъкидлашича, Пхеньяндагилар «йирик давлат президенти Шимолий Корея ҳақида бундай нотўғри тушунчага эга эканлиги ва суверен давлатга нисбатан душманларча муносабатда эканлигидан ҳайратга тушган».
Нашрнинг эслатишича, Обама 22 январь, пайшанба куни тўғридан-тўғри интернет-эфирда YouTube’даги баъзи каналлар муаллифлари саволларига жавоб берган эди.
Изоҳ (0)