Туркия полицияси президент Ражаб Тоййиб Эрдўғоннинг суҳбатларини ноқонуний тинглаганликда гумон қилинаётган шахсларни ҳибсга олиш бўйича рейдлар ўтказди, дея хабар бермоқда «Европейская Правда».
Қўлга олинганлар телекомпаниялар ва илмий муассасаларнинг юқори мансабдор шахслари бўлган. Прокуратура Истанбул, Анқара ва бошқа провинцияларда жами 28 кишини ҳибсга олиш учун ордер берган.
Тергов ишлари Эрдўғоннинг коррупцияда айбланиши бўйича можаро ошкор бўлгач, бошланган эди. Тергов маълумотлари Эрдўғон ва унинг сафдошлари тингланиши билан боғлиқ материалларга ҳам асосланган эди.
Изоҳ (0)