18—23 январь кунлари Корея Республикасининг Ewha Womans University госпитали малакали шифокорлари томонидан Республикамизнинг бир неча ҳудудларида аҳоли умумий чуқурлаштирилган тиббий кўрикдан ўтказилади. Бу ҳақда «Соғлом авлод учун» жамғармаси расмий сайти хабар бермоқда.
23 нафар профессорлар — гемотолог, кардиолог, терапевт, отоларинголог, педиатр, стомотолог, шунингдек терапевт, фармацевт, тиббиёт ҳамширалари, талабалар ва волонтёрлардан иборат Ewha Womans University госпитали вакиллари томонидан 19—20 январь кунлари Фонд Тиббий-ижтимоий маркази (Тошкент шаҳри Ш.Рашидов кўчаси 94а-уй)да соат 09:00 дан 17:00 гача, 21 январь куни Тошкент вилояти Ўрта Чирчиқ тумани болалар шифохонасида соат 09:00 дан 17:00 гача ҳамда 23 январь куни Тошкент вилояти Юқори Чирчиқ тумани «Ариран» қариялар уйида соат 09:30 дан 16:00 гача аҳоли умумий чуқурлаштирилган тиббий кўрикдан ўтказилади.
Тиббий кўрикдан ўтганларга хорижлик мутахассислар ўзлари билан олиб келган дори-дармон ва санитария-гигиена воситаларини беморларга бепул тарқатади.
Изоҳ (0)