Ўзбекистондаги Рус Православие Черкови Чўқинтириш байрамини нишонлади, дея хабар бермоқда «Газета.uz».
18 январдан 19-га ўтар кечаси Тошкентдаги Успенский кафедрал соборида бўлиб ўтган байрам ибодати Ўрта Осиё митрополит округи раҳбари Тошкент ва Ўзбекистон митрополити Викентий томонидан олиб борилди.
Ибодатдан сўнг митрополит Викентий собор майдонига махсус ўрнатилган ҳовузни табаррук қилди. Унда ҳафта охиригача чўқинтириш чўмилишларида иштирок этиш мумкин. Биринчи куниёқ юздан ортиқ киши муздек сувга тушиб кўрди. Ҳовуздан чиққач, бино ичида кийиниш, сочларни қуритиш ва иссиқ чой ичиб олиш мумкин.
Изоҳ (0)