Исёнчи шиалар-хусийлар ва Яман армияси ўртасида мамлакат пойтахти Сана шаҳридаги президент саройи яқинида тўқнашувлар бўлиб ўтмоқда, деб ёзади «РИА Новости».
Маҳаллий фуқаролар айтишича, мамлакат президенти Абду Раббо Мансур Ходий саройидан ўқ товушлари эшитилмоқда.
17 январь, шанба куни номаълум шахслар президент офиси раҳбари Аҳмад Авад Муборакни Санадан ўғирлаб кетди. Дастлабки маълумотларга кўра, буни аввалроқ Муборакнинг номзоди бош вазир лавозимига қўйилганига норози чиққан хусийлар амалга оширган.
Бунга жавобан Яман жанубий провинциялари етакчилари хусийларга Муборакни озод этишга 24 соат вақт берди ва Хандрамаут, Шабва, Мариб провинцияларидаги тарафдорларига газ ва нефть компаниялари ишларини тўхтатишга шай бўлиб туришни тайинлади.
Изоҳ (0)