Технологияларнинг тез ривожланиши шарофати билан яқин орада фан ирсий модификация қилинган болаларни ярата олади, деб ҳисоблайди Англиянинг Бата университети олимлари. Бу ҳақда «Корреспондент.net» хабар бермоқда.
Улардан бири, ҳайвонларни клонлаштириш соҳасида кашфиётчи бўлган доктор Тони Перри генетикада инқилоб содир бўлганини маълум қилди.
Scientific Report журналида чоп этилган мақоласида у ДНК молекуласида сичқонлар геномини сунъий ўзгартириш механизмларини батафсил тушунтириб берди. У ушбу усул самарадорлиги 100 фоизга яқинлашаётганини айтди.
«Генетик тадқиқотлар сўнгги икки йил ичида шунчалик илдамлаб кетдики, чақалоқлар тузилишини ‘лойиҳалаштириш’ фантастика бўлмай қолди», — деди у.
Тони Перри сўзларига кўра, инсон ирсий модификацияси механизмлари касалликнинг дастлабки шарт-шароитларини бартараф этишга қаратилган, ва жамият ҳам, ҳукумат ҳам ушбу масала бўйича жиддий баҳсга тайёр бўлиши керак.
Изоҳ (0)