Ўз исмини ошкор этишни истамаган гонконглик тадбиркор ўтган йилнинг декабрида отиб ташланган икки нафар нью-йорклик полициячининг қариндошларига 1 миллион доллар хайрия қилди, деб ёзади ТАСС Америка ОАВларига таяниб.
Вэньян Лю ва Рафаэль Рамос 20 декабрь куни ўз патруль машиналарида Бруклин кўчаларидан бирида отиб кетилган эди. 28 ёшли Исмоил Бринсли шу тариқа тартиб соқчилари қўлидан вафот этган бир неча афро-америкаликлар учун ўч олган эди.
ОАВлар ёзишича, Люнинг отаси беш йил давомида йилига 100 минг доллардан олади. Қолган ярим миллион доллар Рамоснинг икки ўғлига университетда ўқиш пулини тўлаш учун сарфланади.
Изоҳ (0)