Бритни Спирснинг собиқ йигити Жон Сандаль Афғонистонда толиблар томонидан ўлдирилди, дея хабар бермоқда «Газета.ru» Америка ОАВларига таяниб.
44 ёшли эркак Афғонистонда вертолётга учувчилик қилган. У Қобул устидан учиб ўтиш вақтида отиб туширилган. Сандаль Афғонистонда амалдорларни ташиш бўйича хусусий пудратчи бўлиб ишлаган.
Хонандага яқин манба сўзларига кўра, Спирс бу хабардан гангиб қолган.
«У тушкунликка тушиб қолди. Бритни уни ажойиб инсон деб ҳисобларди», — деди манба.
Улар 2007 йилда, Лос-Анжелесдаги аноним алкоголиклар курсида танишган ва бироз вақт учрашиб юрган эди.
Бритни Спирс спиртли ичимликларга мойилликни енгишда унга айнан Сандаль ёрдам берганини оммага эълон қилган эди.
Изоҳ (0)