Темур Бекмамбетовнинг янги фильмида Исо Масиҳ ролини ким ижро этиши маълум бўлди

Бразилиялик актёр Родриго Санторо Темур Бекмамбетовнинг «Бен-Гур» фильмида Исо Масиҳ ролини ижро этиш учун танланди, дея хабар бермоқда Interfax.

Санторонинг иштироки расман тасдиқланганича йўқ, айни пайтда у картинани суратга олиш билан шуғулланувчи МGM ва Paramount компаниялари билан музокаралар олиб бормоқда.

Аввалроқ фильмда бош ролни британиялик актёр Жек Ҳьюстон, Бен-Гурнинг энг яқин дўстини Тоби Кеббелл ижро этиши маълум бўлган эди. Картинада шунингдек Морган Фриман Бен-Гурнинг устози сифатида қатнашади.

Фильмни суратга олиш ишлари Европада 2015 йилнинг қиш ва баҳор ойларида бўлиб ўтади.