Britni Spirsning sobiq yigiti Jon Sandal Afg‘onistonda toliblar tomonidan o‘ldirildi, deya xabar bermoqda “Gazeta.ru” Amerika OAVlariga tayanib.
44 yoshli erkak Afg‘onistonda vertolyotga uchuvchilik qilgan. U Qobul ustidan uchib o‘tish vaqtida otib tushirilgan. Sandal Afg‘onistonda amaldorlarni tashish bo‘yicha xususiy pudratchi bo‘lib ishlagan.
Xonandaga yaqin manba so‘zlariga ko‘ra, Spirs bu xabardan gangib qolgan.
“U tushkunlikka tushib qoldi. Britni uni ajoyib inson deb hisoblardi”, — dedi manba.
Ular 2007-yilda, Los-Anjelesdagi anonim alkogoliklar kursida tanishgan va biroz vaqt uchrashib yurgan edi.
Britni Spirs spirtli ichimliklarga moyillikni yengishda unga aynan Sandal yordam berganini ommaga e’lon qilgan edi.
Izoh (0)