Сингапур мудофаа вазири Хуан Юнхун Facebook’даги аккаунтида 2014 йил 28 декабрь куни Яван денгизига қулаган AirAsia авиакомпаниясининг А320-200 самолёти корпуси суратларини эълон қилди. Бу ҳақда «РБК» хабар бермоқда.
Авиалайнер корпусининг парчалари аввалроқ топилган эди. Қутқарув операцияси раҳбари маршал Суприяди сўзларига кўра, фюзеляж (самолёт корпуси) самолёт думи аниқланган жойдан 1,7 мил шимоли-шарқда топилган.
Ҳалокатга учраган аэробуснинг қора қутилари 12 ва 13 январь кунлари сув тубидан чиқарилган ва Жакартага расшифровка қилиш учун жўнатилган эди.
Изоҳ (0)