Япониялик эркак суррогат оналардан туғилган 13 фарзандини қайтаришни сўраб Таиланд судига мурожаат қилди, деб ёзади «РИА Новости» Япония ОАВларига таяниб.
Таиланд ва Ҳиндистонда суррогат оналар кўмагидан фойдаланган йигит 19 боланинг отасига айланди. Бироқ ўтган йили уларнинг 13 нафари иш бўйича вазиятлар аниқлангунига қадар Таиланд ҳукумати васийлигига ўтган эди, улар айни пайтда Бангкокдаги етимхонада сақланмоқда.
19 нафар боласининг туғилишини япониялик «катта ва аҳил оила»га эга бўлиш истаги билан изоҳлади. У нима учун ушбу хоҳишни анъанавий тартибда оила қуриш йўли билан амалга оширмагани ҳақида хабар берилмаяпти.
Таиланд ҳуқуқни ҳимоя қилиш органлари болалар нафақат оилани юзага келтириш учун, балки жиноий мақсадларда — Таиландда улар номига кўчмас мулк сотиб олиш ёки одам савдоси билан шуғулланиш мақсадида ҳам туғилган бўлиши мумкин деб ҳисоблайди.
Изоҳ (0)