Қутқарувчилар Ява денгизи тубидан AirAsia самолётининг дум қисмини олиб чиқди
Қутқарувчилар Ява денгизи тубидан AirAsia авиакомпанияси самолётининг дум қисмини кўтариб чиқарди, дея хабар бермоқда ТАСС.
Самолёт бўлаги юк кўтариш қуввати 10 тоннага тенг ҳаво баллони ёрдамида тепага кўтарилди. Денгизнинг ушбу ҳудудидаги тўлқинлар баландлиги тахминан 1 метрни ташкил этади, бу, экспертлар сўзларига кўра, зарур ишларни амалга оширишда халал бермайди.
Лайнернинг дум қисмида «қора қутилар» бўлиши мумкин, шу туфайли уни ўрганиб чиқиш асосий вазифалардан бири бўлиб қолмоқда.
28 декабрга ўтар кечаси Индонезиянинг Сурабая шаҳридан Сингапурга йўл олган Малайзиянинг AirAsia компаниясига тегишли Airbus 320-200 самолёти йўқолиб қолди.
Самолётда жами 155 йўловчи бўлиб, уларнинг 149 нафари индонезиялик, уч нафари кореялик, бир нафари британиялик ва яна бири малайзияликдир.
Айни пайтда самолёт парчаларини қидириш ишлари давом этмоқда.
