Украина президенти маслаҳатчиси Юрий Бирюков Порошенконинг автоматдан ўқ узаётгани акс этган видеоёзувни эълон қилди, деб хабар бермоқда «Корреспондент.net».
«Бу видеони чоп этганим учун гап эшитишим мумкин, аммо… Мен чин дилдан унга ишонаман. Ҳам ҳурмат қиламан. Нафақат бевосита бошлиғим бўлгани учун… Биринчининг ёрдамисиз мудофаа вазирлиги бу кунларга етиб келмас эди. У қойиллатиб ўқ узади», — деб ёзди Бирюков ўзининг Facebook саҳифасида.
Нашрнинг тахмин қилишича, видео 5 январь — Порошенко Украина ҳарбийларига янги техникани топширган куни олинган. Президент қўлидаги автомат эса Форт-221 штурмли винтовкадир.
Изоҳ (0)