Эстонияда «истилочи Пу» иштирокидаги ўйин сотувга чиқарилди

«Ўртоқ Пу Эстонияни забт этади» стол ўйини ушбу Болтиқбўйи давлатидаги дўконларда сотила бошлади. Baltija.eu портали ёзишича, ўйин ўрамига Россия президенти Владимир Путин сурати туширилган.

Сценарий бўйича, «ўртоқ Пу» деярли бутун Эстонияни эгаллаб олган, фақат Сааремаа орол уезди пойтахти — Курессааре унинг истилосидан омон қолган. Ўйинчилар дастлаб ушбу ҳудудни душмандан ҳимоя қилиши , сўнг бутун мамлакатни озод этиши зарур.

«Говорит Москва» нашри мухбири сўзларига кўра, Эстонияда одатда Путиннинг фамилиясини қисқартириб аташади. У ўйин аннотациясида президент тўғридан-тўғри тилга олинмаганлигини, «Пу фамилияли сирли персонаж Эстонияни забт этмоқчи, келинглар, мамлакатни озод этамиз», — дейилишини қайд қилди.