Ўзбекистон Орол денгизи минтақасидаги экологик офат оқибатларини юмшатиш бўйича жами 3 миллиард долларлик миллий ва минтақавий лойиҳаларни амалга оширади, дея хабар бермоқда UzDaily.
Ўзбекистон ҳукумати «Орол денгизи минтақасидаги экологик офат оқибатларини юмшатиш бўйича ҳамкорликни ривожлантириш» Халқаро конференцияси доирасида тузилган битимларни амалга ошириш чора-тадбирлари тўғрисида» қарор чиқарди. Конференция 28—29 октябрь кунлари Урганчада бўлиб ўтган эди.
Ҳужжатда қайд этилишича, халқаро конференция якунлари бўйича халқаро ва хорижий ҳукумат молия институтлари, донор мамлакатлар билан битимлар тузилиб, 1,9 миллиард долларлик узоқ муддатли имтиёзли кредитларни жалб этиш ва 200 миллион доллар миқдорида техник воситалар ва қайтарилмайдиган грантлар тақдим этиш орқали 3 миллиард долларлик минтақавий ва миллий лойиҳаларни амалга ошириш ҳақида шартнома тузилган эди.
Қарорга мувофиқ, Ўзбекистон 2,857 миллиард долларлик 16 та миллий лойиҳаларни халқаро молия институтлари кредитлари ҳисобидан, 114,5 миллион долларлик 11 та миллий лойиҳани эса грант ва техник ҳамкорликни жалб этиш орқали амалга оширади.
Изоҳ (0)