ТАСС хабар беришича, 2004 йилнинг 26 декабрида 9,5 магнитудали зилзила натижасида пайдо бўлган тўлқин Шри-Ланка, Ҳиндистон, Индонезия, Таиланд, Малайзия, Сомали ва Кения қирғоқларига ёпирилди. Ушбу цунами туфайли 300 мингга яқин киши ҳалок бўлди.
2011 йил 11 март куни марказий ва шимоли-шарқий Японияда 9 магнитудали зилзила содир бўлди. У 15 мингдан ортиқ кишининг умрига зомин бўлган кучли цунамини келтириб чиқарди. 6 минг киши жароҳатланди, яна 2,7 минг киши бедарак йўқолган деб эълон қилинди. Цунамининг энг даҳшатли оқибати «Фукусима-1» АЭСдаги авария бўлди. Ундан кўрилган зарар 300 миллиард доллар деб баҳоланди.
1960 йилнинг 22 майида марказий Чилининг жанубий соҳилларида 9,5 магнитудали зилзила содир бўлиб, у цунамини келтириб чиқарди. Тўлқин Чили, Япония, Филиппин ва АҚШнинг Гавайи штати қирғоқларигача етиб борди. Зилзила оқибатида вулқон ҳам отилди. 6 минг киши ҳалок бўлди. Зарар ҳажми 500 миллион долларни ташкил этди.
1976 йил 17 августда Филиппинда 7,9 магнитудали зилзила натижасида юзага келган цунами 5 минг кишини ҳаётдан олиб кетди. Яна 2 минг киши бедарак йўқолди, 9,5 минг киши яраланди.
1998 йил 17 июлда Папуа — Янги Гвинея шимолий қирғоқларида 7,1 магнитудали ер силкиниши ўзи билан цунамини келтирди. Унинг натижасида 2 минг киши ҳалок бўлди, яна 500 нафари бедарак кетди, 10 минг нафари уйсиз қолди.
Изоҳ (0)