АҚШ президенти Барак Обама «Интервью» комедияли жангари фильми намойиш этилаётганидан мамнунлигини билдирди, дея хабар бермоқда «Корреспондент.net». «Уни чиқаришганидан хурсандман», — дея Обама сўзларидан иқтибос келтирди Оқ уй матбуот хизмати.
КХДР етакчиси Ким Чен Инга суиқасд уюштирилиши ҳақидаги «Интервью» комедияли жангари фильми 25 декабрь, Рождество кунидан АҚШ ҳудудидаги 200 дан ортиқ мустақил кинотеатрларда намойиш этила бошлади. Бундай қарорни кинолентани ишлаб чиқарган Sony Pictures компанияси қабул қилди.
Дастлаб фильмни АҚШдаги 3 мингта кинотеатрда кўрсатиш режалаштирилган эди. Sony Pictures компанияси компьютер тармоғига ҳужум уюштирган хакерлар «Интервью» премьераси бўладиган кинотеатрларда 2001 йил 11 сентябрдаги каби терактлар уюштириш билан таҳдид этгач, фильмнинг 25 декабрга мўлжалланган АҚШ премьераси бекор қилинган эди. Хакерлар айнан қандай хатти-ҳаракатларни амалга оширмоқчи бўлгани маълум қилинмади.
Изоҳ (0)