Ўзбекистондаги Artel компанияси ўзининг янги флагман смартфонини тақдим этди, дея хабар бермоқда компания расмий сайти. Ўзбекистонда ишлаб чиқарилган смартфон биринчи марта алюминий ва магний қотишмасидан қилинган корпусга ва Gorilla Glass 3 ҳимоя ойнасига эга бўлди. Бундан ташқари, корпус из қолдирмайдиган қатламга эга.
Sentinel X 4 ядроли МТ6582 чипида ишлайди. Смартфоннинг 4,7 дюймли IPS OGS дисплейи 1280×720 (HD) ўлчамига эга. Қурилманинг тезкор хотираси 1 Гб, ички хотираси 8/16 Гб ни ташкил этади.
Янги телефон 8 мегапикселли асосий ва 5 мегапикселли олд камералар билан жиҳозланган. Батареяси сиғими 1800 мА/с га тенг. У Android KitKat 4.4.2 операцион тизимида ишлаб, 3G, HSPA+, Wi-Fi орқали маълумот алмашишга мослаштирилган.
Artel интернет-дўконида Sentinel X смартфони 616 минг сўмдан сотилмоқда.
Изоҳ (0)