Никарагуада Атлантика ва Тинч океанларини бирлаштирувчи кемалар қатнайдиган канал қурилиши бошланди, дея хабар бермоқда Associated Press.
Хитойнинг NKND Group компанияси барпо этадиган сув йўли Панама канали муқобили бўлиши кутилмоқда. Никарагуа етакчиси Даниэль Ортега халққа телемурожаат билан юзланиб, лойиҳанинг Никарагуа ва бутун Марказий Америкадаги иқтисодий вазиятни ўзгартиришини айтди.
Канал Тинч океани қирғоғидаги Брито дарёси этакларидан бошланиб, Атлантикадаги Пунта-Горда дарёси этакларигача бориши режалаштирилмоқда. Каналнинг умумий узунлиги 278 метрни ташкил этади, чуқурлиги 26—30 метр, кенглиги 230—530 метрга тенг бўлади. Каналдан ўтиш учун жами 30 соат талаб этилади. Бир йилда у орқали 5 мингтагача кемалар қатнайди.
Каналдан фойдаланиш 2019 йилда бошланади, қурилиш ишлари 2029 йилда тугалланади. Лойиҳанинг умумий қиймати 40 миллиард доллар деб баҳоланмоқда.
Изоҳ (0)