Nikaraguada Atlantika va Tinch okeanlarini birlashtiruvchi kemalar qatnaydigan kanal qurilishi boshlandi, deya xabar bermoqda Associated Press.
Xitoyning NKND Group kompaniyasi barpo etadigan suv yo‘li Panama kanali muqobili bo‘lishi kutilmoqda. Nikaragua yetakchisi Daniel Ortega xalqqa telemurojaat bilan yuzlanib, loyihaning Nikaragua va butun Markaziy Amerikadagi iqtisodiy vaziyatni o‘zgartirishini aytdi.
Kanal Tinch okeani qirg‘og‘idagi Brito daryosi etaklaridan boshlanib, Atlantikadagi Punta-Gorda daryosi etaklarigacha borishi rejalashtirilmoqda. Kanalning umumiy uzunligi 278 metrni tashkil etadi, chuqurligi 26—30 metr, kengligi 230—530 metrga teng bo‘ladi. Kanaldan o‘tish uchun jami 30 soat talab etiladi. Bir yilda u orqali 5 mingtagacha kemalar qatnaydi.
Kanaldan foydalanish 2019-yilda boshlanadi, qurilish ishlari 2029-yilda tugallanadi. Loyihaning umumiy qiymati 40 milliard dollar deb baholanmoqda.
Izoh (0)