Euronews телеканалида Uzbekistan Life туркумидаги кўрсатувларнинг учинчиси − «Хива: саҳро дарвозаси» номли кўрсатув намойиши бошланди.
Беш дақиқали репортажда «Қизилқум чўли дарвозаси, Буюк Ипак йўлининг энг олис шаҳарларидан бири, қадимий ёдгорликлар қўриқхонаси, муҳим археологик майдон бўлган Хива шаҳри» ҳақида ҳикоя қилинади.
Репортажда ЮНЕСКОнинг Бутунжаҳон маданий мероси рўйхатидан ўрин олган Ичақалъа, Хива нонлари, шаҳарда учрайдиган зардуштийлик билан боғлкиқ белгилар, шунингдек, Хива яқинида жойлашган Аёзқалъа ва Тупроққалъа ёдгорликлари ҳақида сўз боради.
Эслатиб ўтамиз, Euronews телеканалида Uzbekistan Life туркумида 28 октябрь − 1 ноябрь кунлари Самарқандга бағишланган янги кўрсатув эфирга чиққан бўлса, 25 декабрдан Бухоро ҳақидаги кўрсатув намойиш этилиши бошланиши хабар берилган эди.
Изоҳ (0)